52. ad Timotheum Bendideum

- Ignaro servum domino promittere quicquam

      Posse ratum, mores scriptaque iura vetant. -

Hoc mihi, Timothee, in patriam discedere tecum

      Pollicito, intorcto verbere dixit Amor.

5

Quid faciam? Iubet ille; rogas tu; terret herilis

      Saevicia; ipse fidem poscis; utrumque trahit.

Durus Amor, flectique nequit; tu mitis et idem

      Exorandus: ad haec tu vir, et ille deus.

Iam quid agam teneo: veniam sperare benigne

10

      Malo, quam promptae tradere colla neci.