126. epitaphium Toti Mutinensis

Hospes, inauditam et miram rem percipe: Amor me

      Aeternum ut vivam perdidit, et domina

Ore mihi proprio laqueum mandavit, ut ambos

      Nomine perpetuo saecla futura canant;

5

Scilicet extremum de me fecisse periclum

      Et nostram voluit morte probasse fidem.

Adde quod est nostros tandem miserata labores:

      Nam letho gratum quid magis est miseris?

Sic tali aeternum reddit me funere, seque

10

      Ostendit sola saevitia esse piam.