Francesco Pittiani epigrammatum libellus, 79

79. de Liviano principe

Livius Euganeus populi iam gesta togati

Scripsit, et immensum concelebravit opus,

At nunc Romulides amplos Livianus honores

Auxit, et Euganeas accumulavit opes.

5

Illi Roma dato quod sis memorata, sed isti

Quod sis tuta, potens, urbs Patavina dato.

Alter plura tulit, sed et alter plurima fecit;

Iste sed est princeps, subditus ille fuit.