11. ad Gevaras fratres

Ridete, o lepidi mei Gevarae,

Et vestri facinus probate Cottae.

Dum suae Anysius mihi puellae

Partem pernegat, hunc ego a puella

5

Huc in exilium ad Caloris amnem

Traxi blanditiis bonisque verbis,

Quasi ad delicias novas vocarem.

Hic hunc molliculum atque delicatum,

Probe testibus arbitrisque vobis,

10

Apici volo macerare in aestu,

Vsto ut ore peraridoque vultu

Reversum tenera horreat puella.

Sic evenit Anysio, quod aiunt,

Tota perdere, tota qui requirunt.