Andrea Navagero lusus, 35

Reference basis text: C. Griggio, 2001

Editing of the digital edition: Daniela Marrone


35.

Qui modo ingentes animo parabam

Bembe bellorum strepitusque, et arma

Scribere, hoc vix exiguo male audax

Carmine serpo.

5

Nempe amor magnos violentus ausus

Fregit iratus: velut hic tonantem

Cogit, et fulmen trifidum rubenti

Ponere dextra.

Sic eat, fors et sua laus sequetur

10

Candidae vultus Lalages canentem, et

Purius claro radiantis astro

Frontis honores.

Nota Lesboae lyra blanda Sapphus:

Notus Alcaei Lycus altiori

15

Scripserit quamvis animosum Homerus

Pectine Achillem.