Francesco Maria Molza varia, 105

Reference basis text: P. Serassi, 1747

Editing of the digital edition: Michela Naccari


105.

Solis inaccessam radiis quis cautibus horrens

      Vitem aluit dira sub regione locus?

Ten Scythia, aut nivibus densis insessa Pyrene,

      Aut tulit Hispani ferrea gleba soli?

5

Immites turpi fundens quae palmite succos,

      Tentantum miris inficis ora modis,

Digna Lycurge, tua tandem haec quae sola bipenni

      Ad terram prono vertice caesa cadat.