62.
Spiritus ille Dei sum, qui replevit amore
Orbem cum rore dulci sancte faciei,
Nullaque virtutum divinum fert ita numen,
Sicut ego lumen cordis vitaleque scutum.
5
Vivus fons ignis, dilectio fervida, donum
Septenumque bonum collatum nempe benignis;
Et quia te certe mea non latet ista, Roberte,
Copia, do finem tecum rogo corde reclinem:
Surge, leo fortis, qui franges vincula mortis,
10
Surge, iuves Ytalos quorum ferit invida talos,
Et fera lesuris cecis et corda securis;
Surge secando moras et carpe iuvaminis horas:
Solum voce vales, vox est que dulcius ales
Morbos sanabit parereque corda parabit.