32. ad lacus ut placidos se Principi suo praebeant

Egelidi salvete lacus muscoque virete,

      Vestraque sit puris dulcior unda favis.

Ac veluti insignit multo vos nomine princeps

      Vester, ab Eois notus ad Hesperios,

5

Vos illi tumidos fluctus lenite vicissim,

      Et blanda errantes pervolet aura rates,

Et facite in vestris si fors piscabitur undis,

      In iacta ut multus retia piscis eat.