98.
Ingentes oculos intorquens lumine glauco
Spectabat patrias surgere Thybris opes.
Isque ubi tendentem Alcidem per litora vidit,
Caeruleo tales edidit ore sonos.
5
En mihi promissum totiens, quem Mantua nobis
Iamdudum assiduis invidet obsequiis,
Invideat licet ipsa, tamen te maxima Roma
Aeternum fatis mittet in Imperium.
Dixit, et ingenti rursum se proluit amne
10
Largior, et rapidis in mare fluxit aquis.