129.
Lux redit everso Paulus qua maximus orbe
Suscepit fasces martia Roma tuos,
Quis Italis auctus pacem iam reddidit oris,
Attritus sulcis vomer ut ante nitet.
5
Mox saevum in Turcam ferrum diffinget, et ultra
Oceani fines proferet Imperium.
Laeta novos iterum spectes ut Roma triumphos,
Attollens celsis urbibus alta caput,
Tu modo sancta focis imponens tura precator,
10
Aeternum votis hunc revocare diem.