158.
Catillum bello insignem et felicibus armis
Alcidae magni genus, alto a sanguine Divum,
Rursus in antiquas ut providus excitet artes,
Et famae oblitos moneat melioris, et aevi,
5
Cum Turno socias iunxere in praelia vires,
Hippolytus muro hoc Medices atque aggere firmat.
Ingruerit tum si qua olim fortuna, receptos,
Vt sit quo forti se se tutentur ab hoste,
Cetera forsque Deusque dabunt, et vivida virtus.