179.
Armorum oblitus Caesar quod Gallica visit
Regna, peregrino nescia Marte premi;
Quodque animo ponit Gallus, quod foedera iungit,
Et prius invisae commoda pacis amat;
5
Muneris omne tui, Paule est, quo sidera dudum
Aurea tergemino vertice nixus adis.
Hortatus meminere tuos, meminere labores,
Quos terra nuper pertulerisque mari.
Crede mihi, praesens amborum mentibus haeres,
10
Et nondum excussus pectore vivis adhuc.