23. Moeris pro eisdem
Dixerat: "Haec mea sunt, veteres migrate coloni"
Musa Bianoreis nobilitata modis,
Non quia tunc Moeris flaventia linqueret arva
Pulsus et undosi pascua laeta Padi,
5
Sed mala vaticinans Vtineae pectora turbae
Quae scelus, a!, dira seditione movet
Vt scribae cedant veteres et inutile vulgus
Res valeat nostri diminuisse chori.
Ergo numen habent vates et saecula norunt
10
Eventura: deos Calliopea facit.