33. ad Federicum Gonzagam Mantuae ducem
Palpanti Styga Dux o praestantissime coelum
Tun mi ades? an nocti sufficis astra meae?
Sed proh quanto ardes nunc Phoebo! Quod nisi ab illo
Stem procul, ecce in noctem, et Styga, rursus agor.
5
Qua re age iam quae sit tua lux patiare videri:
Si procul, expande, si prope, coge iubar.
Nam mihi non acies illa est, quae proxima possit
Divinum Solis lumen adire tui.