41. de Gaspare Contareno
Descripsit ille maximus quondam Plato
Longis suorum ambagibus voluminum,
Quis civitatis optimus foret status:
Sed hunc ab ipsa saeculorum origine
5
Nec ulla vidit, nec videbit civitas.
At CONTARENVS optimam Rempublicam
Parvi libelli disputationibus
Illam probavit esse, plus millesima
Quam cernit aestas Adriatico in mari
10
Florere pace, literis, pecunia.