4. precatio vespertina
Iam Vesper ortus incipit
Diem tenebris condere:
At nos parentem luminis
Sancti precemur, ne sinat
5
Noctem suorum mentibus
Caliginosam irrepere;
Seu dulcis alma recreat
Sopor quiete languida,
Seu linquit ille lumina,
10
Numquam recedat a piis
Lux sempiterna cordibus;
Vt semper in dies magis
Magisque detur maximi
Benignitatem Numinis
15
Videre mente lucida,
Et hinc amoris optimi
Ardere semper ignibus.
Supreme caelitum Pater,
Votis tuorum supplicum
20
Aures benignas admove,
Vt sensa cordis omnia,
Et dicta factaque ad tuam
Sic dirigamus gloriam.