4. ad Septimillam

Amabo, mea cara Septimilla;

Vbi blanditiae, libidinesque,

Quas in me facere antea solebas?

Cum me delitias tuas, tuamque

5

Spem, et solatiolum tuum vocabas,

Adiurans nihil esse in orbe toto

Me venustius, elegantiusve.

En nunc Flaminius tuus redivit

Vrbinum, mea cara Septimilla,

10

Secum millia multa basiorum,

Secum illum quoque passerem elegantem

Ferens, quem in manibus tuis tenere,

Qui cum ludere saepe gestiebas.

Dic mi blanditias, libidinesque

15

In me fac, mea vita Septimilla,

Nam te plus oculis meis amavi

Semper, assidueque amare pergam,

Donec mors tenebris operta nostrum

Funesto caput ore devorabit.