1.
Ne careat lacrymis liber hic, post fata Feretri,
Hic me subscripsi, cumque dolore gravi,
Hunc ego iamdudum Federicus, stante Feretro,
Transcripsi (gratus vel fuit ille mihi
5
Quem modo vel semper fas est lugere parentem
Et dominum qui me nutriit); atque diu
Pagina testis erit, lachrymis interlita multis,
Haec tibi, qui moesta haec carmina pauca legis.
Et si dissimilis conclusit littera librum
10
Scriptorum ignarum me dolor ipse facit.