Alessandro Paolini carmina, 56

Testo base di riferimento: Lucia Bedon, tesi di laurea Università degli studi di Trieste, 1977-78

Cura dell'edizione digitale: Barbara Zlobec


56. domus Fabia

Muribus et Pulicum domus oportuna catervis

      Et celebrata tuo semper, Iacche, mero,

Commoda periuris sedes cauponibus olim

      Et plebi solidum frangere amica,

5

Nunc Prognes nidis, placidis et grata columbis

      Musisque et Iuvenum Nobilium studiis,

Altior aereis turrim decorata columnis

      Sacra tibi Pallas dicta, et Apollo tibi.

Quod probor et populo, omni et praetereunte salutor,

10

      Hoc Fabii est fateor filii herilis opus,

Quare ego pro meritis de illius nomine dicta

      Musarum hinc sedes semper ero et Charitum.