Benedetto Varchi carmina, 204

204. idem ad eundem

Quantum mi tribuant tuae Camoenae

Quamve non merito, videbis ipse,

Cuius res agitur, pudens, Vidrosci,

Certe ego et numeris tuis, et ipsi,

5

Non parum tibi debeo beatus.

Tuque non quia me licet minorem.

Dignatus prior es, neque hoc monentem

Ad coelum lepido vocare versu.

Sed quod nil mihi gratius, magisve

10

Iocundum solet evenire, quam cum

Carum me video bonis, et iisdem

Doctis ac sapientibus poetis.