Andrea Rapicio Musae 2, 27

27. ad Vincentium Cattum Vicentinum

Ecquando, precor, optimum sodalem,

Qui quondam tibi maxime favebat,

Doctis litterulis tuis revises,

Vincenti, decus unicum Sororum?

5

Te iunxit mihi firmiore nexu

Phoebus, Castalidum chorus, Minerva,

Vnum ex omnibus optimis amicis,

Vni ex omnibus optimo sodali.

Quem numquam sat amaverim, sed audin'?

10

Ecquando, precor, optimum sodalem

Vincenti, decus unicum, revises?