5. in obitum Francisci Sauroniani: viator, custos
Viator
"Quae manus illa virum est quae nigris vestibus urbem
Lustrat et assiduis fletibus ora rigat?"
Custos
"Iulia gens haec est, patrem quae luget ademptum,
Quae patri tristes solvit et inferias."
Viator
5
"Quisnam erat ille pater?"
Custos
"Franciscus."
Viator
"Quo genere ortus?"
Custos
"Sauroniano stemmate prodierat."
Haec dixisse sat est, memorabunt plurima tanti
Hic passim cuncti nam benefacta viri.