146. de eodem servo Amore
Imberbem puerum satis tenellum,
Castum, candidulum Deum putabam
Amorem, ac dominum omnium Deorum.
Ast Amor secus atque ego putabam
5
Repertus, genus Afer, impudicus,
Custos compede vinctus hortulorum,
Et qui serviat omnibus colonis,
Cui pili obsideant genas rigentes,
Cui barba obrigeat viri iam adulti,
10
Non quidem pueri satis tenelli:
Est Amor secus atque ego putabam.