246. cum e Rosciolo, suae ditionis oppido in Marsis,
Neapolim rediret
Muscosi lapides, qui me per iniqua viarum
Ducitis, et quo non ducier ipse velim,
Crediderim, vobis aliquis si sensus inesset,
Quod stillaretis mecum etiam lacrymas.
5
At quando hoc vetitum est, oculorum flammeus humor
Vos riget, huc illuc fonsque perennis eat,
De quo mox bibat admirans dicatque viator:
"Non alibi medio surgit ab igne liquor".