3. AD LECTOREM POESIS
Heus tu, quicumque es, nostrae pia carmina Musae,
Lecturus, tetricae frontis bonus excute rugas;
Pelle oculis livorem atrum atque inamabile virus
Invidiae dimitte animo pius, integer, aequus,
5
Innocuusque, et sanctus ades, modulaamine sancto
Sanctus enim modo sancta cano, purusque sacerdos
Primus ego, aerei flava sub rupe Subasi,
Sacrato enumero divinos ore triumphos.
Nimirum agnosces, meme hic non turpe profana,
10
Obscaenumque lyra Carmen deducere circo
Dignandum incesto; sed enim decora alta, per annos
Iampridem exactos, plectro memorata priorum
Nullius vatum, Musave, aut auspice Phoebo
Pertentata olim cuiquam, iam tum altius orsum,
15
Pandere voce gravi; et syncero evolvere cantu
Fata Subasaei, cunasque herois, et ortus.
Et pubem, geniosque leves, et flebile funus;
Nec non quae victor pugnarit bella, quibusque
Rite triumphatum cumularit legibus orbem.
20
Haec cano, per me aicres hac barbitos Ausonis implet
Armonia populi: tu ne caperatus, et acer
Censor ades; sed mitis, ovans, hilarisque Camoenae
Plaude ultro, et risu frons laeta assultet amico.