22. AD ANTONIVM LANFREDINVM I.C.

Si quem optare licet, qui cum traducere vitam

      Possim atque aetatis tempora transfigere,

Ipse unus certe es, mi Lanfredine, diesque

      Ac noctes, qui cum dulce sit esse mihi.

5

Namque ii sunt mores eaque est doctrina tuique

      Mirifice exculti tanta animi probitas,

Vt quicumque semel tecum est congressus et inde

      Non te amat ac sese quisque adamare solet,

Nesciat is quantas virtus habet aurea vires,

10

      Quamque adeo vehemens vis sit amoris amor.