3. in obitum Iacobi filii doctissimi atque probissimi
Marci Antonii Fiducii ode tertia

Audax ille, dolo qui petiit Polum

Et furtim rapuit particulam igneam

Luget nunc merito vertice Caucasi

Infelix sibi nascentia viscera.

5

Morbos aut varios, et mala febrium.

Mortales patimur nos scelere illius.

Luctum queis igitur non dolor excitet?

Vt natum accipient saxea pondera

Fiduci obtegere, heu, moribus optimis

10

Ornatum iuvenem, tam sibi conscium

Et recti, referens ut nitidum diem

Sol et praecipitans non videat parem.

Num vivet Genetrix, num Pater amplius

Tanta in moestitia? Vos placido in malis

15

Vestros respicitis lumine coelites,

Vt factum levius sit patientia;

Nil mortis dubiae certius est via,

Haec nescit lacrymis flecter impia.