18. ad Henricum Politianum ode decima octava

Mi triplex tantum facit annus, ut non

Lustra sint sex continue peracta.

Prodi in lucem dominante mensium

Principe Iano,

5

Mater hinc nomen, pater indiditque,

Forte ne credas mihi perperam esse

Inditum Iani, dominique nomen,

Pollitiane.

Verba, quae dico magis obstupenda,

10

Crede, sunt his, quae audieras in urbe

Bergomi ob Ianos celebri per orbem, et

Callida dicta.

Sed ferus sciron, malus et procrustes,

Cerberus vellem potiusque dici,

15

Ipse quin Orcus (mea mens ita est) quam

Nomine Ianus.

Iam meos ortus bene noscis aevum

Nomina, et causas agendum sobrine,

Me vocans, clama; secet aut secundum

20

Aethera nomen.