Argumentum operis per eundem
Quod peragant cursus errantia sidera quosve
Fixa, quibus Phoebe subtrahat ora viis;
Quis sit inaequato figendus terminus anno
Vt numeret festos littera sacra dies;
5
Quam variet Graius, quam nec Latius sibi constet
Historicus, Crises tempora quaeque ferant.
Cuncta bipartito sed prima volumine cernes
Mille quibus species membraque mille fluunt.
Altera pars subdet primo quotus usus ab orbe,
10
Sit, veluti caudam a Sole cometa ferat.
Innumeros fructus Torqueti nobilis inde
Structuramque suo quaeque nitore decens.
Omnia quae tanto spectabis acumine nata
Quam poteras nusquam si prius acta forent.
15
Adde quod est numeris sine quidvis et sine calclis
Quod renuit priscos nosque moratur opus.
Aestimet authori quid lector debeat ergo
Aestimet et prudens haec bene posteritas.