Liber loquitur
Quid faciam? Vulgi sum memet in ora daturus
Vltro. Num tutus malo latere domi?
Posterius certe satius, sed publica cogit
Quem magis utilitas. Deprecor huic quid agas.
5
Huic ego parendo nil non sum ferre paratus
Nec fieri mundo fabula nota queror.
Spes tamen est ingens fruiturum sidere fausto
Tectum Caesareis non male nominibus.
His etenim semel acceptus, semel ipse probatus
10
Iudicium vulgi nil moror instabilis.
Quem penes incerti certi quoque norma vacillat
Consimili censens aequa et iniqua fide.