6. Roberto Vrso oratori Ariminensi
Si mane occurris, si vespere, debita poscis
Carmina, idem repetis si mediante die.
Desine mirari quod non do. Carmina possum
Mittere, quem totum lisque forumque tenent?
5
Conquiro testes, tabulas, decreta, citorque
Atque cito, huc illuc trudor agorque diu.
Nocte eadem somnus praesentat tedia, vexat
Par animum et corpus nocte dieque labor.
Has si non recipis causas, elinguis et infans
10
Sum factus; credi nolo poeta; tace.