71a. idem
Hic Alexander ego iaceo. Cognosce, viator,
Te rogo, qui fuerim, te rogo, quive siem.
Dux ego Mazovie fueram presulque Tridenti,
Mox Aquilegia sede potitus eram.
5
Huc me concilii duxit legatio, postquam
Romane fueram presbyter ecclesie.
Me sibi prepositum vidit preclara Bienna:
Quis modo vel tantis gaudeat in titulis?
Te, Friderice, soror genuit mea, tu modo regnas
10
Imperiumque regis; sum modo pulvis ego.
Me vermes edere truces; iam corpora corpus
Plura meum saciat: sic caro queque cadit.