Girolamo Carbone carmina, 6

Testo base di riferimento: P. de Montera, 1935

Cura dell'edizione digitale: S. Di Brazzano


6. ad Petrum Grauinam

Carbonius malim quam Carbo dicier; ignis

      Acrior ignito est plusque caloris habet.

Sic me flama minus, sic me minus ureret ignis

      Sicque minus candens ignis in igne forem.

5

Flama magis, magis ignis edax quam flameus et quam

      Ignitus: uaria est uis in utroque sua.

Quare ego qui Carbo uixi, Grauina, preustus,

      Auspice te uiuam fac, rogo, Carbonius.